Pahilwan' Twitter Review: Sudeep stuck in vain!

శాండిల్‌వుడ్ బాద్‌షా కిచ్చా సుదీప్ తెలుగు ప్రేక్షకులకు సుపరిచితమే. కన్నడలో ఆయన స్టార్ హీరో అయినప్పటికీ తెలుగు ప్రేక్షకులకు మాత్రం ఆయన విలన్‌గా పరిచయమయ్యారు. ‘ఈగ’లో తన అద్భుతమైన నటనతో తెలుగు ఆడియన్స్‌ను మెప్పించారు. ఆ తరవాత ‘బాహుబలి’లో అస్లాం ఖాన్‌గా కనిపించారు. ఇప్పుడు ‘సైరా నరసింహారెడ్డి’లో అవుకు రాజుగా కనిపించబోతున్నారు. కేవలం తెలుగులోనే కాకుండా అన్ని భాషల్లో నటిస్తూ సుదీప్ తనకంటూ ప్రత్యేక గుర్తింపును సంపాదించుకున్నారు.
















ఇదిలా ఉంటే, సుదీప్ హీరోగా న‌టించిన తాజా చిత్రం ‘ప‌హిల్వాన్‌’. ఎస్‌.కృష్ణ ద‌ర్శకుడు. ‘మళ్ళీరావా’ ఆకాంక్ష సింగ్ హీరోయిన్. బాలీవుడ్ నటుడు సునీల్ శెట్టి ముఖ్య పాత్రలో నటించారు. ఈ యాక్షన్ డ్రామాలో సుదీప్ రెజ్లర్ పాత్రలో క‌నిపిస్తారు.

Also Read: ‘ప్రతిరోజూ పండగే’ ఫస్ట్ లుక్: నాన్నే కుర్రాడైతే..!

కన్నడలో తెరకెక్కిన ఈ చిత్రం పాన్ ఇండియా సినిమాగా గురువారం (సెప్టెంబర్ 12న) ప్రేక్షకుల ముందుకు వచ్చింది. తెలుగు, కన్నడ, హిందీ, తమిళ, మలయాళ భాషల్లో ‘ప‌హిల్వాన్‌’ అనే పేరుతోనే విడుదలైంది. తెలుగులో వారాహి చ‌ల‌న‌చిత్రం బ్యాన‌ర్‌పై సాయి కొర్రపాటి విడుద‌ల చేశారు.













కర్ణాటకలోని పలుచోట్ల ఇప్పటికే ‘పహిల్వాన్’ ప్రీమియర్ షోలు ప్రదర్శించారు. అక్కడ సినిమా చూసిన వాళ్లు ట్విట్టర్ ద్వారా తమ అభిప్రాయాన్ని వెల్లడిస్తున్నారు. సినిమా చాలా బాగుందని.. సుదీప్ కష్టం, డెడికేషన్ తెరపై కనిపిస్తుందని ట్వీట్లు చేస్తున్నారు. సెకండాఫ్‌ చాలా ఎమోషనల్‌గా ఉందని సినిమా హార్ట్ టచ్చింగ్ అని కొనియాడుతున్నారు.














సుదీప్ ఎంట్రీ సీన్ అయితే అదిరిపోయిందట. కుస్తీ, క్లైమాక్స్‌లో బాక్సింగ్ సీన్లు సినిమాకే హైలైట్ అంటున్నారు. సుదీప్, ఆకాంక్ష సింగ్, సునీల్ శెట్టి పాత్రలు సినిమాకు ప్రధాన బలం అంటున్నారు. అయితే, ఈ సినిమాపై నెగిటివ్ 














టాక్ కూడా వస్తోంది. సినిమా చాలా స్లోగా ఉందంటూ కొంత మంది ట్వీట్లు చేస్తున్నారు. టెక్నికల్‌గా సినిమా బాగున్నా కథ, కథనం ఏమీ లేదని పెదవి విరుస్తున్నారు. అసలు ఐదు భాషల్లో విడుదల చేసేంత కంటెంట్ సినిమాలో లేదంటున్నారు.

Comments

Popular posts from this blog

31 मार्च: जब अमेरिका में रचा गया इतिहास

DES vs HEA Dream11 Team Prediction Qatar T10 League

Serie A: Lazio shock Inter Milan to claim second spot